Destiny Academy အနေဖြင့် 10 နှစ်ပြည့် မှတ်တိုင်ကို စိုက်ထူနိုင်ခဲ့ပြီဖြစ်ပါသည်။ ယခုကဲ့သို့ 10 နှစ် ထိတိုင်အောင်ရပ်တည်နိုင်ခြင်းသည် Destiny Academy ရှိ တာဝန်ရှိသူများ၊ သင်ကြားပေးသော ဆရာ၊ဆရာမများနှင့် အထူးသဖြင့် တက်ရောက်ပညာသင်ကြားနေသော ကျောင်းသူ၊ကျောင်းသားများ၏ စုပေါင်းအင်အားကြောင့်ဖြစ်ပါသည်။ Destiny Academy ကျောင်း 10 နှစ် ပြည့်ရပ်တည်နိုင်ရန်အတွက် ကူညီပေးသူများအားလုံးကို ဂုဏ်ပြုရန် 10 နှစ်ပြည့် အခမ်းအနားအားကျင်းပခဲ့ခြင်းဖြစ်ပါသည်။
ပန်းချီပညာထူးချွန်သော ကျောင်းသား ကျောင်းသူများကိုယ်တိုင်ရေးဆွဲထားသော ပန်းချီအချို့ကို ရွေးထုတ်ပြီး ရှုမြင်ခံစားနိုင်အောင် ပန်းချီပြပွဲကို ကျင်းပြခဲ့သည်။ ထိုနေ့တွင် ပန်းချီများကိုခင်းကျင်းပြသခြင်းသာမက ပန်းချီရေးဆွဲခြင်း ၊ ဆေးရောင်ခြယ်ခြင်း ၊ လက်ဖဝါးပုံနှိပ်ခြင်း ၊ မြန်မာ့ရိုးရာသနပ်ခါး လိမ်းပေးခြင်း ၊ အဖွဲ့လိုက် ကခြင်း ၊ လက်မှတ်ရေးထိုးခြင်းနှင့် ဆုမွန်ကောင်းတောင်းစာရေးသားခြင်း အစရှိသည့် လုပ်ဆောင်ချက်များကို ကျောင်းသား ကျောင်းသူ ၊ မိဘ နှင့် ဆရာ ဆရာမ တို့အတူတကွ ပျော်ရွှင်စွာ ဆင်နွှဲခဲ့ကြသည်။
ပညာရေးကိုဦးစားပေးသည် သာမက ကျောင်းသား ကျောင်းသူ တစ်ဦးစီတွင်ရှိသည့် ပင်ကိုယ်စွမ်းရည်များကို ထုတ်ဖော်ပြသနိုင်ရန် စွမ်းရည်ပြိုင်ပွဲကို ကျင်းပပြုလုပ်ပေးခဲ့သည်။ ထိုပွဲတွင် ကျောင်းသား ကျောင်းသူများသည် သူတို့၏ စွမ်းရည်အမျိုးမျိုးဖြစ်သော သီချင်းဆိုခြင်း၊ ကပြခြင်း၊ တူရိယာတီးခတ်ခြင်း၊ သူပြက်သရုပ်ဆောင်ခြင်း၊ မျက်လှည့်ပြခြင်း၊ ဇာတ်ဝင်ခန်းသရုပ်ဆောင်ခြင်း အစရှိသဖြင့် သူတို၌ရှိသည့် ဖုံးကွယ်ထားသော စွမ်းရည်များကိုပြသခဲ့ကြသည်။
Copyrights © 2025 All Rights Reserved by Inspire Web Services (IWS).
